გიწვევთ "ნელი ამაშუკელის სახელობის მთარგმნელთა ფონდის" პირველი წიგნის, პუბლიუს ვერგილიუს მაროს "ენეიდის" პრეზენტაციაზე, სადაც ასევე წარვადგენთ ფონდს და გაგაცნობთ მის მიზნებსა და ამოცანებს.

"ენეიდას" წარადგენენ მისი მთარგმნელი ლევან ბერძენიშვილი და ძველი რომაული ლიტერატურის მთარგმნელი, მანანა ღარიბაშვილი.

"ნელი ამაშუკელის სახელობის მთარგმნელთა ფონდის" შესახებ ილაპარაკებენ ქეთი ქანთარია, ნინო ლეჟავა და ხათუნა ცხადაძე. ნელი ამაშუკელს გაიხსენებს ალექსანდრე კარტოზია.

მოდერატორი: ნინო ბექიშვილი

ნელი ამაშუკელის სახელობის მთარგმნელთა ფონდი (Nelly Amaschukeli Translators’ Foundation) 2019 წელს დაარსდა.
დამფუძნებლები არიან ნინო ბექიშვილი, დავით კაკაბაძე, ნინო ლეჟავა, ნათია მიქელაძე-ბახსოლიანი, ვაკო ნაცვლიშვილი, ქეთი ქანთარია და ხათუნა ცხადაძე.
ფონდის მისი მიზანია საქართველოში თარგმანის სფეროში თანამედროვე მაღალი პროფესიული და ეთიკური სტანდარტების დამკვიდრება, მთარგმნელების ინტერესებისა და უფლებების დაცვა და ლობირება, ქალი მთარგმნელების მხარდაჭერა, ფემინისტი მწერლების პოპულარიზაცია და გენდერულად თანასწორი საგამომცემლო და ლიტერატურული გარემოს განვითარებაში წვლილის შეტანა.
ფონდი ეწევა ლიტერატურულ და საგამომცემლო საქმიანობას, აგრეთვე განახორციელებს საგანმანათლებლო და კულტურულ პროექტებს და ხელს უწყობს მთარგმნელთა ახალგაზრდა თაობის პროფესიულ განვითარებას.

ლევან ბერძენიშვილის მიერ თარგმნილი "ენეიდა" გამოიცა "ქართული წიგნის ეროვნული ცენტრის" ფინანსური მხარდაჭერით.

დასწრება თავისუფალია!

2018 წელს „კავკასიურმა სახლმა“ ქართული წიგნის ეროვნული ცენტრის ფინანსური მხარდაჭერით გამოსცა გივი მარგველაშვილის რომანი „ოფიცერი პემბრი“.

გივი მარგველაშვილი ცნობილი ქართველი გერმანულენოვანი მწერალი, ფილოსოფოსი და ენათმეცნიერია, რომელიც ბერლინში, საქართველოს დემოკრატიული რესპუბლიკიდან პოლიტიკური მიზეზებით ემიგრირებულ ოჯახში დაიბადა. ხანგრძლივი სიცოცხლის განმავლობაში გივი მარგველაშვილს მოუწია როგორც ნაცისტური, ასევე საბჭოთა რეპრესიების საკუთარ თავზე გადატანა. კომუნისტთა მმართველობის ეპოქაში მის მიერ დაწერილი არც ერთი გერმანულენოვანი მხატვრული ნაწარმოები არ გამოქვეყნებულა. მარგველაშვილის შემოქმედებამ დღის სინათლე მხოლოდ „პერესტროიკის“ შემდეგ იხილა. რომანი „ოფიცერი პებრიც“ მხოლოდ 1990-იან წლებში გამოქვეყნდა და ფილოსოფოსის შემოქმედების სხვა ნიმუშების მსგავსად ამ წიგნმაც განსაკუთრებული აღიარება დაიმსახურა ევროპულ საზოგადოებაში. „ოფიცერი პემბრი“ ქართულად პირველად ქვეყნდება. რომანი მწერალ ნაირა გელაშვილის პროექტის ფარგლებში გერმანისტმა ლაშა დადიანმა თარგმნა.

ნაწარმოები მოგვითხრობს ამბავს ციხის ზედამხედველ ოფიცერ პემბრის შესახებ, რომელიც რეალური ცხოვრების პარალელურად თომას ჰარისის, XIX საუკუნეში დაწერილი რომანის ,,კრავთა დუმილის" პერსონაჟი აღმოჩნდება. ეს ის ოფიცერი პემბრია, რომელიც ,,კრავთა დუმილის" მთავარი გმირის - ჰანიბალ ლექტერის ციხიდან გაქცევას უნდა ემსხვერპლოს, თუმცა გივი მარგველაშვილის რომანში პროსპექტული კრიმინალური პოლიციის თანამშრომელი მეინლეზერი ცდილობს ოფიცრის დახსნას გარდაუვალი განსაცდელისგან.

21 ივნისს, 18:00 საათზე საქართველოს მწერალთა სახლში (მისამართი: ივანე მაჩაბლის ქუჩა, 13) გივი მარგველაშვილის რომანის „ოფიცერი პემბრი“ წარდგენა გაიმართება. წარდგენაზე მოხსენებებს წაიკითხავენ:

თსუ-ის გერმანისტიკის მიმართულების ხელმძღვანელი, პროფესორი ლალი ქეცბა-ხუნდაძე,

შოთა რუსთაველის სახელობის ქართული ლიტერატურის ინსტიტუტის მთავარი მეცნიერ-თანამშრომელი, ბ-ნი ლევან ბრეგაძე

მწერალი როსტომ ჩხეიძე.

დასწრება თავისუფალია,

ზაფხული ძალაში შედის. არდადეგებიც დაიწყო და მეტი დროა სათამაშოდაც და წიგნების საკითხავადაც. ბევრი კარგი წიგნი გელოდებათ და მათ შორის ერთ-ერთი უთუოდ არის ნორვეგიელი მწერლის, არნე სვინგენის "ბალადა გატეხილ ცხვირზე".

ბარტი ცამეტი წლისაა. როგორც მის თანატოლებს, მასაც ბევრი სირთულის გადალახვა უწევს. ერთ-ერთი მთავარი საფიქრალი კი ის არის, რომ დედას სურს ბარტმა კრივი ისწავლოს, რათა თავდაცვა შეძლოს. ხოლო ბარტს... ოპერა უყვარს.
ეს არის წიგნი შიშზე და მის დაძლევაზე, მეგობრობაზე და სიმამაცეზე, სპორტზე და მუსიკაზე, იმედზე და ოპტიმიზმზე...

წიგნი ქართულად თარგმნა თამარ კვიჟინაძემ.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.