18 სექტემბერს, 18:30–ზე, საქართველოს მწერალთა სახლში  გაიმართება არილის საქველმოქმედო საღამო, სადაც ავტორების ხელმოწერით გაიყიდება ჟურნალ "არილის" ძველი და ახალი ნომრები. 2013–2014 წლის ნომრების გარდა შეგეძლებათ შეიძინოთ 2002–2005 წლების იშვიათი გამოცემებიც. 

შემოგვიერთდით, შეიძინეთ არილის ნომრები ავტორთა ხელმოწერებით, დაეხმარე არილს!

19 სექტემბერს, 18.00 მწერალთა სახლი გიწვევთ გიგი ხორნაულის წიგნის „ცხოვრება ვაჟა-ფშაველასი“ პრეზენტაციაზე. 
წიგნი პირველად გამოქვეყნდა 1987 წელს. ეს ამ წიგნის მეოთხე შევსებული გამოცემაა, თუმცა, წიგნის პრეზენტაცია პირველად იმართება.
პრეზენტაციაზე წიგნის და წიგნის ავტორის შესახებ ისაუბრებენ: მწერალთა კავშირის თავმჯდომარე რევაზ მიშველაძე, მწერლები: ბაღათურ არაბული, სოსო სიგუა, მაყვალა გონაშვილი, თემურ ჩალაბაშვილი, ასევე მეუფე თადეოზი, მედეა როგავა, გია არგანაშვილი და სხვები.
წიგნი ბაკურ სულაკაურის გამომცემლობამ გამოსცა მამუკა ცაგარელის თანადაფინანსებით.

20 სექტემბერს, 13:00 საათზე ბაკურ სულაკაურის გამომცემლობის ილუსტრატორები ია მახათაძე, თამუნა თათელაძე, მაია ბათუმაშვილი, ასევე მარკეტინგის მენეჯერი თამუნა გოგოლაშვილი მწერალთა სახლში სტუმრად მოსულ ბავშვებს უმასპინძლებენ.
ილუსტრატორები წარადგენენ 10 -15 წუთიან პრეზენტაციას წიგნის შექმნასთან დაკავშირებით, ასევე გააცნობენ ბავშვებს, როგორ იქმნება წიგნი და უპასუხებენ მათ შეკითხვებს.
გარდა ამისა, პრეზენტაციის შემდეგ გამომცემლობის ილუსტრატორები ბავშვებს გააკეთებინებენ 4 ფურცლიან წიგნებს, რათა შეძლონ სახლში წაიღონ თავიანთი ნახელავი.
ბავშვებთან შეხვედრა გაფორმებული იქნება მუსიკალურად.

.

24 სექტემბერს, 19:00–ზე, მწერალთა სახლში გაიმართება საქველმოქმედო საღამო, სადაც მონაწილეობას მიიღებენ ახალგაზრდა პოეტები:

გიორგი ბებიაშვილი
ირაკლი კირკიტაძე
იოანე ქვარაია
ნიკა პაატაშვილი 
ნორიკ ბადოიანი (თარგმანი)
ტატო ჩანგელია

შემოსული თანხა გადაირიცხება შეზღუდული შესაძლებლობების მქონე ბავშვთა სახლში.

საზოგადო მოღვაწე და ფემინისტი, გალაკტიონ ტაბიძის მეუღლე ოლია ოკუჯავა დიდ ტერორს შეეწირა, ის 1941 წლის 11 სექტემბერს 156 პოლიტიკურ პატიმართან ერთად ორიოლის ახლოს, ე.წ. დათვების ტყეში დახვრიტეს. 

2014 წლის 29 სექტემber მწერალთა სახლში ჩატარდება რევაზ კვერენჩხილაძის  საავტორო "ლიტერატურულ ორშაბათობათა" შეხვედრა თემაზე  "1924 წლის აჯანყება და ქართველი მწერლები".

საღამოს ორგანიზატორები: რევაზ კვერენჩხილაძე, თემურ ცერცვაძე 

6 ოქტომბერს, 19.00 გამომცემლობა „ჩუბინი“ და მწერალთა სახლი გეპატიჟებათ ცნობილ რუმინელ პოეტ ვალერიუ ბუტულესკუსთან შეხვედრაზე და მისი წიგნის ,,ქვიშის ოაზისების" პრეზენტაციაზე.
ვალერიუ ბუტულესკუ პოეტი, დრამატურგი, მთარგმნელი და პოლიტიკური მოღვაწეა. ის დაიბადა 1953 წლის 9 თებერვალს რუმინეთში, ქ. პეტროშანში. ვ. ბუტულესკუ ერთ-ერთი საზოგადო მოღვაწეა, რომელიც 1989 წლის რევოლუციის დროს ჩაერთო რუმინეთის პოლიტიკურ ცხოვრებაში და 90-იან წლებში აქტიურად მონაწილეობდა ქვეყანაში მიმდინარე პროცესებში. ამ დროს ის პარლამენტში დეპუტატად აირჩიეს, სადაც 1990 წლიდან კულტურის კომისიის ვიცე-პრეზიდენტი გახდა, ხოლო 1991 წელს მეტალურგიულ კომისიას თავმჯდომარეობდა. 1992 წელს ვ. ბუტულესკუ საგრაფო მრჩევლად აირჩიეს, ხოლო 2000 წლიდან დღემდე ის რუმინეთის პარლამენტის კულტურის კომისიის პრეზიდენტია.
პირველი ლექსები და აფორიზმები ვ. ბუტულესკუმ ჯერ კიდევ ლიცეუმში სწავლისას გამოაქვეყნა. უნივერსიტეტის დამთავრების შემდეგ მან ერთ-ერთ რუმინულ გაზეთში დაიწყო მუშაობა. ამ დროისათვის მისი შემოქმედება უკვე საზღვარგარეთის გაზეთებსა და ჟურნალებშიც იბეჭდებოდა. იგი მრავალი ჯილდოსა და პრემიის მფლობელია. პირველი ჯილდო „ოქროს ლამპარი“ პოეზიისათვის 1980 წელს მიიღო, პოეზიის ფესტივალზე „ყურის სიმღერა“ .
ვ. ბუტულესკუს პიესები 1993 წლიდან დღემდე წარმატებით იდგმება რუმინული თეატრი სცენაზე. ის მრავალი თეატრალური კონკურსისა და პრემიის ლაურეატია.

მწერალთა სახლში ჩატარდება კომპოზიტორ მაია ელოშვილის საბავშვო სიმღერების კრებულის ''მზის ხომალდი" პრეზენტაცია.
საღამო საქველმოქმედოა..შემოსული თანხა გადაეცემა სიმსივნით დაავადებულ კომპოზიტორs ძვირადღირებული მედიკამენტის შესაძენად (ეს მედიკამენტი დაზღვევით არ ფინანსდება).