ეს არის საუბრების ციკლი თანამედროვე და ტრადიციულ ხელოვნებაზე. შეხვედრის სტუმარი ერთ კონკრეტულად შერჩეულ თემაზე საუბრობს და კონკრეტული მიმდინარეობის თუ მხატვრის შემოქმედების სიღრმისეულ ანალიზს გვთავაზობს. ამ ციკლის ფარგლებში 2013 წლიდან მოყოლებული არაერთი საინტერესო შეხვედრა, დისკუსია და გამოფენა გაიმართა, რომელთა მონაწილეები სხვადასხვა დროს იყვნენ: გია ეძგვერაძე, ხელოვნებათმცოდნე დიმიტრი თუმანიშვილი, ხელოვნებათმცოდნე სალომე ცისკარიშვილი, რეჟისორი თემურ ჩხეიძე, მხატვარი და გალერისტი ირინა პოპიაშვილი, მხატვარი ლევან ჭოღოშვილი, მხატვარი ლევან ლაღიძე.
2020 წელს მწერალთა სახლში კვლავ განახლდა საჯარო ლექციების ციკლი „საუბრები ხელოვნებაზე“. შეხვედრები თვეში ერთხელ იმართება.
