მწერალთა სახლმა გერმანიის ფედერაციული რესპუბლიკის საელჩოს ფინანსური მხარდაჭერით განახორციელა პროექტი - სამოქალაქო ერთობის ძიებაში - დისკუსიების ციკლი თანამედროვე ქართული იდენტობისა და კულტურის შესახებ“.

 

პროექტის მიზანი იყო უკანასკნელი  30 წლის გააზრება კულტურისა  და სამოქალაქო უფლებების ჭრილში, საზოგადოებაში არსებული დაპირისპირების და რადიკალიზმის შემცირება, ისეთი საკითხების წამოწევა, რომელებზეც ნაკლებად ლაპარაკობს ქართული საზოგადოება, ან პირიქით, დროდადრო მწვავდება საუბარი. აგრეთვე,  თანამედროვე ქართული ლიტერატურის მნიშვნელოვანი ტექსტების განხილვა ადამიანის ძირითადი უფლებებისა და თავისუფლებების კუთხით.

ჩატარდა ექვსი დისკუსია თბილისსა და ქუთაისში:

• „მართლმადიდებელი ეკლესია დამოუკიდებელი საქართველოს წლებში“

მომხსენებლები: სერგო ვარდოსანიძე - ისტორიკოსი; ქეთევან რჩეულიშვილი - სოციოლოგი; მოდერატორი: დავით ჯიშკარიანი - ისტორიკოსი

• მწერალი და სამოქალაქო პასუხისმგებლობა“

მომხსენებლები: დათო ტურაშვილი, მწერალი; ერეკლე დეისაძე, მწერალი, მუსიკოსი

მოდერატორი: ნინო ბექიშვილი, მთარგმნელი

• „სიძულვილის ენა, როგორც ჩაგვრის და დაპირისპირების იარაღი“

მომხსენებლები: პაატა შამუგია, პოეტი; ოქტაი ქაზუმოვი, მწერალი, მთარგმნელი

მოდერატორი: თამარ გურჩიანი, იურისტი

• „მედიის ენის ტრანსფორმაცია უკანასკნელი 30 წლის მანძილზე“

მომხსენებლები: ნიკო ნერგაძე, ჟურნალისტი; ეკა ქევანიშვილი: პოეტი, ჟურნალისტი; მოდერატორი: ია იაშვილი, ჟურნალისტი

• „მართლმადიდებლობა და მოდერნული სახელმწიფო - სად არის კვეთის წერტილები?“

მომხსენებლები: გიორგი წეროძე, მღვდელი; ბექა მინდიაშვილი, თეოლოგი; მოდერატორი: თამარ ცოფურაშვილი, ფილოსოფოსი

• „90-იანი წლების კატაკლიზმები და ქართული კულტურა“

მომხსენებლები: ანა კორძაია, მწერალი; ხვიჩა ვაშაყმაძე, ჟურნალისტი; მოდერატორი: თამთა თურმანიძე, კინომცოდნე.