მწერალთა სახლი იწყებს ფილოსოფიის ლექციების ციკლს

მწერალთა სახლი იწყებს ფილოსოფიის ლექციების ციკლს, რომელსაც ფილოსოფოსი ოთარ ჭულუხაძე გაუძღვება.

 კურსის მენტორი, დაინტერესებულ აუდიტორიასთან ერთად, განიხილავს ეგზისტენციალიზმის ძირითად იდეებს, მის კავშირს ლიტერატურასთან და თანამედროვე ეპოქასთან.
 ლექციები გაიმართება 4 მაისიდან 29 ივნისის ჩათვლით, ყოველ კვირას, 14:00 საათზე, მწერალთა სახლში.

ლექცია 1: ეგზისტენციალიზმი: შესავალი და ძირითადი ცნებები

1. რა არის ეგზისტენციალიზმი? - ფილოსოფიის ძირითადი მიმართულების განსაზღვრა.
2. არსებობა და თავისუფლება-ინდივიდის როლი სამყაროში.
3. ეგზისტენციალიზმის წინამორბედები-კირკეგორის „რწმენის ნახტომი“ და შოპენჰაუერის „ნების“ ცნება.

 ლექცია 2: ნიცშე და ნიჰილიზმი

1. „ღმერთის სიკვდილი“ - ცნების მნიშვნელობა და კონტექსტი.
2. ნიჰილიზმი-ღირებულებრივი კრიზისი და მისი შედეგები.
3. ზეადამიანი (übermench)- თვითგადალახვის იდეა.

 ლექცია 3: ნიცშე და ძალაუფლების ნება 

1. ძალაუფლების ნება-ცხოვრების მამოძრავებელი ენერგია.
2. მარადიული დაბრუნება - დროისა და არჩევნის ეგზისტენციალური გაგება.
3. ნიცშეს ფილოსოფია პრაქტიკაში - ცხოვრების მტკიცება და ნიჰილიზმის გადალახვა.

 ლექცია 4:ნიცშე: ხელოვნება და ტრაგედია

1. ხელოვნება, როგორც არსებობის გამართლება-„ტრაგედიის დაბადება“.
2. აპოლონური და დიონისური პრინციპები-წინააღმდეგობა და ჰარმონია.
3. ნიცშე და ხელოვნების როლი-ტანჯვის ფონზე ცხოვრების მნიშვნელობა.

ლექცია 5: ეგზისტენციალიზმი ლიტერატურაში:
დოსტოევსკი

1. „ძმები კარამაზოვები“-რწმენისა და ნიჰილიზმის კონფლიქტი.
2. „ჩანაწერები მიწისქეშეთიდან“- გაუცხოება და თავისუფლების ნება.
3. ივანის დილემა - ზნეობრიობისა და აბსურდის შეჯახება.

 ლექცია 6: ეგზისტენციალიზმი ლიტერატურაში: სარტრი, კაფკა, კამიუ

1. სარტრის „გულისრევა“- თავისუფლება და არსის ძიება.
2. კაფკას „პროცესი“ და „მეტამორფოზა“- აბსურდი და გაუცხოება.
3. კამისუ „უცხო“ და „აბსურდის მითი“ - აზრის ძიება აბსურდულ სამყაროში.

 ლექცია 7: ჰაიდეგერი და არსებობის კითხვა

1. „ყოფიერება და დრო“ - ნაშრომის ძირითადი იდეები.
2. მუნყოფიერება (Dasein) - ადამიანის არსებობის უნიკალური ბუნება. 
3. არარა (Nichts) - ძრწოლა და ადამიანის არსებობის საზღვრები.

 ლექცია 8: ჰაიდეგერი და ავთენტურობა

1. ავთენტური ცხოვრება - საკუთარი თავის მოპოვება და შენარჩუნება.
2. „ჩავარდნა“ (Verfallen) - გაუცხოება ყოველდღიურობაში.
3. სიკვდილისკენ ყოფა - სასრულობის ცნობიერება.

 ლექცია 9: ჰაიდეგერი და თანამედროვე სამყარო

1. ტექნოლოგია და მუნყოფიერება (Dasein) – „ჩარჩო“ (Gestell).
2. მასობრივი კულტურა - ავთენტურობის დაკარგვა.
3. ჰაიდეგერის გავლენა XXI საუკუნის გამოწვევებზე.

ლექცია 10: ეგზისტენციალიზმის მემკვიდრეობა 

1. ნიცშეს გავლენა თანამედროვე ფილოსოფიაზე.
2. ჰაიდეგერის იდეების განვითარება პოსტმოდერნიზმში.
3. ეგზისტენციალიზმის აქტუალურობა - რატომ ვსაუბრობთ მასზე დღეს?