მწერალთა სახლმა მიხეილ ჯავახიშვილის 140-ე წლის იუბილეს აღსანიშნავად გამოაცხადა ლიტერატურული კონკურსი საქართველოს სკოლების უფროსკლასელთათვის.

კონკურსში მონაწილეობა შეეძლოთ საქართველოს საჯარო და კერძო სკოლების IX-XII კლასის მოსწავლეებს.

მოსწავლეებმა მიხეილ ჯავახიშვილის შემოქმედების მიხედვით სამი შემოთავაზებული თემიდან უნდა დაეწერათ და საკონკურსოდ გამოეგზავნათ ერთ-ერთი:

• ადამიანის ბედი ეპოქალური ცვლილებების დროს („ჯაყოს ხიზნების“ მიხედვით);
• როცა კანონი არ არსებობს („ეშმაკის ქვის“ მიხედვით);
• ჩემი საყვარელი ნაწარმოები მიხეილ ჯავახიშვილის შემოქმედებიდან.

გამარჯვებულები დაჯილდოვდნენ წიგნის მაღაზია „ბიბლუსის“ ვაუჩერებით.

• I ადგილი - წიგნის მაღაზია „ბიბლუსის“  500 ლარიანი ვაუჩერი,  ხაშურის დიმიტრი ყიფიანის სახელობის სკოლის მე-10 კლასის მოსწავლე გელა გაჩეჩილაძე. „როცა კანონი არ არსებობს“, მიხეილ ჯავახიშვილის მოთხრობის „ეშმაკის ქვის“ მიხედვით;
• II ადგილი - 300 ლარიანი ვაუჩერი, თბილისის 182-ე საჯარო სკოლის მე-11 კლასის მოსწავლე ანა თორია. „როცა კანონი არ არსებობს“, მიხეილ ჯავახიშვილის მოთხრობის „ეშმაკის ქვის“ მიხედვით;
• III ადგილი - 100 ლარიანი ვაუჩერი, თბილისის 47-ე საჯარო სკოლაის მე-11 კლასის მოსწავლე ლევან ტაბატაძე. „ადამიანის ბედი ეპოქალური ცვლილებების დროს“, მიხეილ ჯავახიშვილის „ჯაყოს ხიზნების“ მიხედვით;
• IV ადგილი - 100 ლარიანი ვაუჩერი, თბილისის 116-ე საჯარო სკოლის მე-12 კლასის მოსწავლე ქეთევან ნარსია, „ჩემი საყვარელი ნაწარმოები მიხეილ ჯავახიშვილის შემოქმედებიდან - „თეთრი კურდღელი“.