სარეზიდენციო პროგრამის მიზანი იყო მწერლებისა და პუბლიცისტების ხელშეწყობა ქართული საზოგადოების წინაშე არსებული მწვავე პრობლემების აღსაწერად და არსებული დაპირისპირების შემცირების გზების საძიებლად.

პროექტი გულისხმობდა გამარჯვებული ხუთი ავტორის ორი კვირით განთავსებას მწერალთა სახლის რეზიდენციაში, მათი ცხოვრებისა და კვების ხარჯებისა და ჰონორარის ანაზღაურებით.

კონკურსში მონაწილეობა შეეძლოთ მწერლებს, მთარგმნელებსა და პუბლიცისტებს. კონკურსანტებისთვის შეთავაზებული პრიორიტეტული თემები იყო:

•  საქართველო მოდერნიზმსა და ტრადიციულ ღირებულებებს შორის;
• მართლმადიდებლობა და დღევანდელი ქართული სახელმწიფო;
• ქალთა უფლებები;
• ჰომოფობია, როგორც საფრთხე მშვიდობიანი თანაცხოვრებისთვის;
• სასიცოცხლო გარემო და ეკოლოგია;
• ქართული ენა და მისი მომავალი;
• ეროვნული უმცირესობების ინტეგრაცია.

პროფესიულ ბიოგრაფიასთან ერთად მსურველებს საკონკურსოდ უნდა წარმოედგინათ სტატიის იდეაც, მოკლე მონახაზის სახით.

კონკურსში შემოვიდა 30-ზე მეტი განაცხადი. 15 ოქტომბერს მწერალთა სახლის სამეთვალყურეო საბჭომ გამოავლინა სარეზიდენციო პროგრამის გამარჯვებულები:

• ცირა ბარბაქაძე – მწერალი, ლიტერატურათმცოდნე;
• ლექსო დორეული – ლიტერატურათმცოდნე;
• ირმა ტაველიძე – მწერალი, მთარგმნელი;
• ნიკოლოზ შენგელია – მწერალი;
• ალექს ჩიღვინაძე – მწერალი.
  

ხუთი ავტორი 2021 წლის 1-დან 15 ნოემბრამდე ცხოვრობდა მწერალთა სახლის რეზიდენციაში. ამ პერიოდის განმავლობაში დაიწერა შემდეგი ტექსტები:

• „ქართული ენა და მისი მომავალი“, ავტორი ცირა ბარბაქაძე;
• „აბრეშუმის საბანში. ორი რომანისა და ორი თარგმანის შესახებ“,  ავტორი ირმა ტაველიძე;
• „თოვლის მიბაძვით“, ავტორი ალექს ჩიღვინაძე;
• „სეკულარიზმი - ძალაუფლების გადამუშავების პარადიგმა“, ავტორი ლექსო დორეული;
• „უხილავი თემი“, ავტორი ნიკა შენგელია.

ტექსტები გამოქვეყნდა  ჟურნალ „არილის“ ვებ-გვერდზე.