04/10/2024
გახდით ახალი ლიტერატურული თაობის დაბადების მონაწილე!
მწერალთა სახლი და „ლიტერატურული გაზეთი“ იწყებენ შეხვედრებს ახალგაზრდა ავტორებთან, რომლებმაც უკვე მოიპოვეს აღიარება „ლიტერატურული გაზეთის“ ფურცლებზე. პუბლიკაციები „ლიტერატურულ გაზეთში“ მათი შემოქმედებითი გზის მხოლოდ დასაწყისია.
პირველი შეხვედრა 4 ოქტომბერს 19:00 საათზე შედგება. ლიტერატურის მოყვარულებს საშუალება გეძლევათ პირადად გაიცნოთ თანამედროვე ავტორები: ზურა ღუდუშაური (პროზაიკოსი), ქეთევან ნათელაძე (პოეტი) და გიორგი ბალახაშვილი (პოეტი), მოისმინოთ მათი შემოქმედება და დაუსვათ თქვენთვის საინტერესო შეკითხვები.
დასწრება თავისუფალია.
