„მწერალი ქალები - თანამედროვე ქართული ლიტერატურის ფემინისტური პერსპექტივა“

13 ივნისს ახალციხეში, კაფეში „კანტორა 19“ გაიმართა დისკუსია თემაზე „მწერალი ქალები - თანამედროვე ქართული ლიტერატურის ფემინისტური პერსპექტივა“.

დისკუსიაში მონაწილეობდნენ მწერლები ეკატერინე ტოგონიძე და თამთა მელაშვილი.  

მომხსენებლებმა ილაპარაკეს ქალი მწერლების როლის შესახებ ქართული ლიტერატურის განვითარებაში  მეცხრამეტე საუკუნის ბოლო წლებიდან დღევანდელ დღემდე; შეეხნენ საბჭოთა ხანას და რეპრესიებს; მიმოიხილეს თანამედროვე ქართული ლიტერატურული პროცესი და ის საკითხები, რომლებიც დღეს აწუხებთ ქალ მწერლებს; ისაუბრეს პირად გამოცდილებაზეც. შეხვედრის ბოლოს მომხსენებლებმა უპასუხეს დამსწრეთა შეკითხვებს.

ეს იყო მორიგი შეხვედრა მწერალთა სახლის დისკუსიათა ციკლიდან „საქართველო - ევროპული იდენტობის ძიებაში“. დისკუსია გაიმართა კონრად ადენაუერის ფონდის პარტნიორული მხარდაჭერით.

პროექტში მონაწილეობენ მწერლები, ჟურნალისტები, მეცნიერები და სამოქალაქო აქტივისტები.

პროექტი გრძელდება და საქართველოს რეგიონებში (სამცხე-ჯავახეთი, იმერეთი, გურია, კახეთი) კვლავ გაიმართება შეხვედრები თანამედროვე ქართული იდენტობისა და კულტურის შესახებ.