თარიღი : 10.06.2024
29 მაისს მწერალთა სახლში გაიმართა ნინო ხოფერიას დოკუმენტური ფილმის ჩვენება, სახელწოდებით „ბაჩანა ხალვაშის მარიონეტების ისტორია".
ფილმში მოთხრობილია პატარა თეატრის უჩვეულო ამბავი: ხელოვნების ძალით გაცოცხლებულმა თოჯინებმა, რომლებმაც მსოფლიოს რამდენიმე ქვეყანა მოიარეს, უეცრად შეწყვიტეს არსებობა თეატრის დახურვის გამო... მაგრამ მარიონეტებს, რომელთაც ადამიანები მართავენ, თავად შეუძლიათ მართონ ადამიანთა ემოციები...
ფილმის ნახვის შემდეგ, გაიმართა საჯარო დისკუსია, რომელშიც თავად ბაჩანა ხალვაშიც მონაწილეობდა. გარდა ამისა, საღამოს სტუმრებს მწერალთა სახლის ფოიეში ფილმის პერსონაჟების ფოტოსერიის ექსპოზიცია დახვდათ.
