კონკურსი „ჩემი პაოლო იაშვილი"

მწერალთა სახლი პაოლო იაშვილის 130 წლის იუბილესთან დაკავშირებით აცხადებს კონკურსს „ჩემი პაოლო იაშვილი".

კონკურსში მონაწილეობის მიღება შეუძლიათ უფროსკლასელებსა (IX-XII კლასები) და სტუდენტებს.

კონკურსში მონაწილეობის მსურველებმა უნდა ჩაწერონ მოკლე ვიდეო, სადაც პაოლო იაშვილის მათთვის სასურველ ლექსს წაიკითხავენ. გამორჩეული ვიდეოები გამოქვეყნდება მწერალთა სახლის ციფრული მედიის არხებზე (გთხოვთ, სკოლის მოსწავლეებმა დაურთოთ მშობლის ნებართვა - https://docs.google.com/.../1_SSXkVi4ho-1oiJbCvWx9kP.../edit ).

გამარჯვებულებს გამოავლენს მწერალთა სახლის თანამშრომლებისგან შემდგარი ჟიური. კონკურსის დასრულების შემდეგ გამოვლინდება 3 გამარჯვებული, რომლებიც მიიღებენ წიგნის მაღაზია „ბიბლუსის" ვაუჩერს და წამახალისებელ პრიზს:

I ადგილი - 150-ლარიანი ვაუჩერი
II ადგილი - 100-ლარიანი ვაუჩერი
III ადგილი - 70-ლარიანი ვაუჩერი

საკონკურსო ვიდეოები უნდა გამოგზავნოთ ელექტრონულ მისამართზე: info@writershouse.ge
ვიდეო აუცილებელია აიტვირთოს wetransfer.com-ის საშუალებით.

საკონკურსო ვიდეოების მიღების ვადაა 5 ივნისიდან 25 ივნისის ჩათვლით. გამარჯვებულები გამოვლინდებიან 29 ივნისს, პაოლო იაშვილის დაბადების დღეს.

მწერალთა სახლი გისურვებთ წარმატებას!