ლექცია-პერფორმანსების ციკლი− „ამბავი ცისფერყანწელებზე“

მწერალთა სახლი წარმოგიდგენთ ლიტერატურულ-შემეცნებითი ლექცია-პერფორმანსების ციკლს − „ამბავი ცისფერყანწელებზე“.

შეიტყვეთ უფრო მეტი ცისფერყანწელთა ორდენის წარმომადგენლებზე, მათ სულისკვეთებასა და როლზე ქართული ლიტერატურისა და კულტურის ფორმირებაში.

ლექციებისა და ვიზუალურ-გამომსახველობითი საშუალებების გამოყენებით, პროექტი მიზნად ისახავს გააცოცხლოს და მსმენელისთვის ხელშესახები გახადოს ცისფერყანწელთა მოღვაწეობა.

ციკლი 8 თემატურ ლექციას შეიცავს.

ლექციებს გაუძღვება ლიტერატორი ნინო ჩხიკვიშვილი.

განრიგი:

21 თებერვალი − ეპოქა და ცისფერყანწელები (მიმოხილვა: როგორ შეიქმნა ცისფერყანწელთა ორდენი, ვინ იყვნენ მათი წევრები და რა წვლილი შეიტანეს მაშინდელი სალიტერატურო-ზოგადკულტურული სივრცის გარდაქმნაში, მათ ბეჭდურ ორგანოებსა და საგამომცემლო მოღვაწეობაში);

28 თებერვალი − პაოლო იაშვილი;

7 მარტი − კოლაუ ნადირაძე;

14 მარტი − ტიციან ტაბიძე;

21 მარტი − გიორგი ლეონიძე;

28 მარტი − ვალერიან გაფრინდაშვილი, შალვა კარმელი, სერგო კლდიაშვილი და სხვა ცისფერყანწელთა შემოქმედების მიმოხილვა;

4 აპრილი − ქართული თეატრი და ცისფერყანწელები;

11 აპრილი − კომუნისტური დიქტატურა და ცისფერყანწელები რეპრესიების ეპოქაში.

პროექტში მონაწილეობას მიიღებენ მსახიობები − ლილი ხურითი და კონსტანტინე ფოცხვერაშვილი.

ლექციათა ციკლი განკუთვნილია სტუდენტებისთვის, პედაგოგებისა და საზოგადოების იმ ნაწილისთვის, რომლებიც დაინტერესებული არიან ამ თემატიკით.

ლექციები გაიმართება ყოველ პარასკევს, 17:00 საათზე, მწერალთა სახლში.