საქართველოს დღეები გენუის პოეზიის საერთაშორისო ფესტივალზე

გენუა წელს კვლავ პოეზიის დედაქალაქია.

მწერალთა სახლი 5, 6, 7 ივნისს გენუის პოეზიის 31-ე საერთაშორისო ფესტივალში მონაწილეობს. ფესტივალის საპატიო სტუმარია საქართველო.

5 ივნისს სწორედ საქართველო გახსნის ფესტივალს გრანდიოზული კონცერტით, რომელსაც წარმოგვიდგენს თბილისის ოპერისა და ბალეტის კამერული ორკესტრი (მაესტრო ნიკა ნიკვაშვილი), მთელ მსოფლიოში ცნობილი პოლიფონიური გუნდი, ანსამბლი „შვიდკაცა“, ასევე ცნობილი მომღერლები: იანო ალიბეგაშვილი, ლიზა ბაგრატიონი, კონსტანტინე ყიფიანი და პოეტები: გიორგი ლობჟანიძე, მანონ ბულისკერია, მაია მინდელი, ვახო ვახტანგაძე, შოთა ვეკუა, იტალიელი საზოგადოებისთვის კარგად ნაცნობი მთარგმნელი ნუნუ გელაძე.

5-დან 16 ივნისამდე, ფესტივალის დაარსებიდან ოცდამეათე წლისთავის აღსანიშნავად, პოეზიის, მუსიკის, კინოს, ხელოვნებისა და ლიტერატურის 100-ზე მეტი ღონისძიება გაიმართება.

გენუაში პოეზიის 31-ე საერთაშორისო ფესტივალი, სახელწოდებით „ფართოდ გადაშლილი სიტყვები“ ჩატარდება.

ფესტივალი ევროპაში პოეტური სიტყვისადმი მიძღვნილი ერთ-ერთი ყველაზე მასშტაბური და ხანგრძლივი ღონისძიებაა.

ფესტივალმა დაარსებიდან − 1995 წლიდან დღემდე უმასპინძლა 1900-ზე მეტ პოეტსა და ხელოვანს მსოფლიოს 91 ქვეყნიდან, მათ შორის ნობელის პრემიის 5 ლაურეატს (გაო სინჯიანი, დერეკ უოლკოტი, ჯ.მ. კუტზეე, ვოლე სოინკა და ჩესლავ მილოში) და ისეთ დიდ სახელებს, როგორებიც არიან მუტისი, მონტალბანი, ფერლინგეტი, ლუ რიდი, დარვიში, ადონისი და სხვ.

ფესტივალის სტუმართა შორის იქნებიან:

საიმონ არმინიჯი − გაერთიანებული სამეფოს პოეტი-ლაურეატი;

პულიცერის პრემიის ლაურეატი ჯორი გრეჰემი (აშშ);

მსახიობი და მწერალი მონი ოვადია;

პოეტი და მომღერალი-სიმღერების ავტორი მარვანი − ესპანეთის ვარსკვლავი;

ცნობილი პოეტები: ნიკოლა მაძიროვი (მაკედონია), მალგორზატა ლებდა (პოლონეთი), მარტინ სოლოტრუკი (სლოვაკეთი), ფორტნერ ანდერსონი და ვაილეინ ფორესტი (კანადა), ხოსე პულიდო (ვენესუელა), მედუზა (ავსტრია), დარიუშ ლებიოდა (პოლონეთი), ჟაო სი და ლიჰონგი (ჩინეთი).

ასევე, ცნობილი იტალიელი პოეტები: ფაბიო პუსტერლა, დავიდე რონდონი, ენრიკო ტესტა, ფლამინია კრუჩანი.

გთავაზობთ პროგრამას, რომლითაც საქართველო გენუის პოეზიის საერთაშორისო ფესტივალზე წარდგება.

ხუთშაბათი, 5 ივნისი

ჰერცოგის სასახლე – კორტილე მაჯორე (პიაცა მატეოტი).

21:00 – პოეზიის 31-ე საერთაშორისო ფესტივალის გახსნა.

კონცერტი ზაქარია ფალიაშვილის სახელობის თბილისის ეროვნული ოპერისა და ბალეტის თეატრის კამერული ორკესტრის შესრულებით.

მაესტრო − ნიკა ნიკვაშვილი.

იანო-თამარი (სოპრანო), კონსტანტინე ყიფიანი (ტენორი), ლიზა ბაგრატიონი (მომღერალი).

ანსამბლი „შვიდკაცა“ (პოლიფონიური გუნდები): ბიძინა ზატიაშვილი, ნოდარ მეტრეველი, დათო ნოზაძე, დათო შიშნიაშვილი, გიორგი ლომთათიძე, ნიკოლოზ კირვალიძე, ლევან თოლორდავა.

საღამოს წარმოგიდგენთ: ნინო ნოდია (ხელოვნების კრიტიკოსი).

ქართული ღვინის დეგუსტაცია.

პარასკევი, 6 ივნისი

დოჟების სასახლე – პოეზიის ოთახი.

17:00 – „ოცნების ნანგრევებში“.

გიორგი ლობჟანიძის (საქართველო) პოეტური კრებულის პრეზენტაცია, რომელიც გამომცემლობა „ჯულიანო ლადოლფის“ მიერ დაიბეჭდა. მოდერატორი: ნუნუ გელაძე (მთარგმნელი).

შაბათი 7 ივნისი

დუკალის სასახლე − პოეზიის ოთახი.

17:00 – თანამედროვე ქართული კინო.

„ბერმუხა“ (საქართველო, 2024, 30’) ბაკურ ბაკურაძე.

„საპოვნელა“ (საქართველო, 1959, 16’) ოთარ იოსელიანი.

დუკალის სასახლე − მთავარი ეზო.

17:45 − თანამედროვე ქართული პოეზია.

გიორგი ლობჟანიძე, მანონ ბულისკერია, მაია მინდელი, ვახო ვახტანგაძე, შოთა ვეკუა. მასპინძელი: ნუნუ გელაძე.