გურამ რჩეულიშვილის სახელობის კონკურსის გამარჯვებულები გამოვლინდნენ

გურამ რჩეულიშვილის სახელობის ლიტერატურული კონკურსი პროზის ჟანრში „ახალი ქართული მოთხრობა“ მიმდინარე წლის 20 მარტს გამოცხადდა. საკონკურსო ნაწარმოებების მიღება 30 აპრილამდე გრძელდებოდა.

კონკურსის პირველ ეტაპზე 40-მდე პროზაული ნაწარმოები შემოვიდა.

აქედან ჟიურიმ (გია არგანაშვილი, გელა ჩქვანავა, ბაჩო კვირტია) შეარჩია 3 ავტორი, თუმცა საყურადღებოა, რომ დაწესებულ ნომინაციაში „რჩეული მოთხრობა“ ჟიურის ერთობლივი გადაწყვეტილებით პრემია არ გაიცა.

კონკურსის ფარგლებში დაწესებული ფულადი ჯილდო − 2000 ლარი და დიპლომი გადაეცემა ნომინაციის „საუკეთესო დებიუტი“ გამარჯვებულს; ასევე გაიცემა 2 წამახალისებელი პრემია 1000 ლარის ოდენობით და დიპლომები ორ შერჩეულ ავტორზე.

გურამ რჩეულიშვილის სახელობის ლიტერატურული კონკურსი პროზის ჟანრში „ახალი ქართული მოთხრობა“ ყოველწლიური იქნება და მომავალ წელსაც გაზაფხულზე გამოცხადდება.