მწერალთა სახლი ბათუმის წიგნის ფესტივალის პარტნიორია

მწერალთა სახლი ბათუმის წიგნის ფესტივალის პარტნიორია

ბათუმის წიგნის ფესტივალი, რომელიც გუშინ კაფე „რვაფეხას“ ტერიტორიაზე გაიხსნა, დღეს სრულდება.

ორი დღის განმავლობაში ზღვისპირა ქალაქმა წიგნის მოყვარულებს უმასპინძლა.

ბათუმელებს და ბათუმის სტუმრებს შესაძლებლობა ჰქონდათ დაეთვალიერებინათ და შეეძინათ ახალი გამოცემები, ასევე მონაწილეობა მიეღოთ მრავალფეროვან ლიტერატურულ პროგრამაში, რომელიც მოიცავდა არაერთ საინტერესო აქტივობას — ავტორებთან შეხვედრებს, საბავშვო ღონისძიებებს, შემოქმედებით მასტერკლასებსა და დისკუსიებს თანამედროვე ლიტერატურისა და განათლების თემებზე.

ფესტივალი ორგანიზებულია საქართველოს წიგნის გამომცემელთა და გამავრცელებელთა ასოციაციის მიერ.

ღონისძიების მხარდამჭერები არიან: „შემოქმედებითი საქართველო“, მწერალთა სახლი, საქართველოს კულტურის სამინისტრო და ქალაქ ბათუმის მერია.