გრძელდება ლიტერატურული შეხვედრების სერია – „პარასკევის საღამოები“

„პარასკევის საღამოები“ წარმოადგენს „ლიტერატურული გაზეთისა“ და მწერალთა სახლის ერთობლივი პროექტის „ახალი სახელები“ განახლებულ ფორმატს.

„პარასკევის საღამოები“ არა მხოლოდ ახალი სახელების აღმოჩენის სივრცეა – აქ შეხვდებით უკვე ცნობილ და თქვენთვის საყვარელ ავტორებსაც, რომელთა შემოქმედება ბევრისთვის კარგად ნაცნობი და ახლობელია.

ყოველ პარასკევს, 19:00 საათზე, პოეზიითა და პროზით დაინტერესებულ მკითხველს შესაძლებლობა აქვს შეხვდეს საინტერესო ავტორებს და უკეთ გაიცნოს მათი შემოქმედება.

7 ნოემბერს მკითხველის წინაშე წარდგებიან პოეტები − გიორგი აბესაძე (გიო ზედვაკელი) და თემო ჯობავა.

შემოგვიერთდით ყოველ პარასკევს, 19:00 საათზე, მაჩაბლის 13-ში.