ლიტერატურული კონკურსი
„მეოცნებე ნიამორები“
ცისფერყანწელთა სახელობის პრემიის მოსაპოვებლად
კონკურსის შესახებ:
- თემატიკა − თავისუფალი;
- პრემია ყოველწლიურია და გაიცემა სამ ნომინაციაში;
- თითოეულ ნომინაციაში დაწესებული პრემია − 3000 ლარი (საქართველოს კანონმდებლობით გათვალისწინებული გადასახადების ჩათვლით);
ნომინაციები:
- მინიატიურული პროზა (WORD-ის 2 გვერდი, 12-იანი შრიფტით);
- პოეზია (სონეტის ფორმით დაწერილი ერთი ლექსი);
- „ქაიანური“ (ლიტერატურული სანახაობა. ვიდეოს ხანგრძლივობა: 3-დან 7 წუთამდე);
კონკურსანტების ნამუშევრებს შეაფასებს ხუთკაციანი ჟიური. პირველი დაჯილდოება გაიმართება 2026 წლის 28 თებერვალს, ცისფერყანწელთა ლიტერატურული ორდენის დაარსების, ჟურნალ „ცისფერი ყანწების“ და მათი მანიფესტის გამოცემის დღეს.
კონკურსის „მეოცნებე ნიამორები“ პირობები და წესები:
- განაცხადები მიიღება 1 დეკემბრიდან 15 იანვრის ჩათვლით;
- მონაწილეობა შეუძლია ნებისმიერ მსურველს;
- საკონკურსოდ მიიღება მხოლოდ ორიგინალური გამოუქვეყნებელი (როგორც ბეჭდური სახით, ასევე ელექტრონულ სივრცეში) ნაწარმოებები.
კონკურსზე წარსადგენი დოკუმენტაცია და ნაწარმოების ფორმატი:
- კონკურსანტის პირადობის მოწმობის ასლი;
- კონკურსანტის მოკლე შემოქმედებითი ბიოგრაფია (WORD-დოკუმენტი);
- კონკურსანტის ფოტო (JPG-ფორმატი);
- ინფორმაცია ადრე გამოქვეყნებული ნამუშევრების შესახებ (ასეთის არსებობის შემთხვევაში);
საკონკურსო მასალა მოწოდებული უნდა იყოს ბეჭდური (მაჩაბლის ქ. 13 მწერალთა სახლი) ან ელექტრონული სახით (info@writershouse.ge); PDF-დოკუმენტი, შრიფტი − Sylfaen, ზომა − 11, ხაზებს შორის დაშორება − სტანდარტული (Multiple);
