„გერმანული ლიტერატურის დღეები“

„გერმანული ლიტერატურის დღეების“ ფარგლებში მწერალთა სახლში გაიმართება შეხვედრა ცნობილ გერმანელ ავტორებთან და დრამატურგებთან − მანფრედ იაკობსთან და ულრიკე იაკობსთან.

ქართველ მკითხველს შესაძლებლობა ექნება თანამედროვე გერმანულ ლიტერატურასა და დრამატურგიას ახლო რაკურსიდან გაეცნოს.

მანფრედ იაკობსი − ადვოკატი, ზაარლანდის აუდიტის სასამართლოს ყოფილი დირექტორი და ტელესცენარების ავტორი 1980 წლიდან. 2005 წლიდან მეუღლესთან, ულრიკე იაკობსთან ერთად, წერს რომანებსა და Non-fiction ნაშრომებს. მათ შორისაა: „საზღვრის გადამლახველი. ელიზაბეტ ლოთარინგიელი“ (2007), „სისის მემკვიდრეობა“ (2017), „ზაარბრიუკენი და მისი ბაროკოს მემკვიდრეობა“ (2019). ასევე არის მხატვრული ფილმის Prete Rosso-ს სცენარის ავტორი.

ულრიკე იაკობსი − მწერალი, სცენარისტი და რეჟისორი; ლიტერატურულ ჟურნალ Projekt-IL-ის თანადამფუძნებელი. მუშაობდა ევროპისა და აშშ-ის სხვადასხვა ქვეყანაში. 2005 წლიდან ქმნის ერთობლივ ლიტერატურულ ნამუშევრებს მანფრედ იაკობსთან. პროზის, Non-fiction-ისა და კინოს შესახებ ესეების ავტორია.

„გერმანული ლიტერატურის დღეები“ მიზნად ისახავს ქართულ და გერმანულ ლიტერატურულ სივრცეებს შორის დიალოგის გაღრმავებას და თანამედროვე ლიტერატურული პროცესების ხელშეწყობას.

გიწვევთ ღონისძიებაზე – დასწრება თავისუფალია!