ლიტერატურული მარათონი შემოდგომის „არა-კი“

ლიტერატურულ მარათონს პარტნიორობას უწევდა შპს „საერთაშორისო კულტურის სივრცე“, რომელთანაც მწერალთა სახლმა სულ ახლახან ურთიერთთანამშრომლობის მემორანდუმი გააფორმა.

მარათონში მონაწილეობდა მწერალთა სახლის მიერ საგანგებოდ შერჩეული 10 ავტორი, რომლებსაც მოწვეულმა მენტორებმა − მწერლებმა კონსტანტინე ჯანდიერმა და ირაკლი სამსონაძემ სპეციალურად „არა-კი“-სთვის მოფიქრებული სამი თემა, სამი ერთგვარი ფორმულა გააცნეს:

1. „...არაკებს გეტყვი ბევრსაო“

2. „...როდესაც ასე ახლოა გრემი“

3. მტრედის საკენკი

მოცემული 3 ფორმულიდან მარათონის თითოეულმა მონაწილემ აირჩია ერთ-ერთი მათგანი, რომლის მიხედვით, დაწესებული 48 საათის განმავლობაში შექმნა ორიგინალური პროზაული ნაწარმოები.

მარათონში მონაწილეობდნენ:

ნინო გუგეშაშვილი

ირმა ბერიძე

ქეთო დავითური

გიორგი გელაშვილი

ნატა ვარადა

სალომე ტაბატაძე

ქეთი გაბინაშვილი

სოფო დაუშვილი

მორის როსტიაშვილი

გვანცა ფიფია

მარათონის გამარჯვებულებისთვის მწერალთა სახლმა დააწესა ფულადი პრემიები:

I ადგილი − 2000 ლარი

II ადგილი − 1500 ლარი

III ადგილი − 1000 ლარი

პროექტის ხელმძღვანელია მწერალი ბაჩო კვირტია.