ლიტერატურულმა მარათონმა „გაზაფხულის არა-კი“ სტარტი აიღო

მარათონის მენტორებმა და ჟიურის წევრებმა − ცირა ყურაშვილმა, ფიქრია ყუშიტაშვილმა და ბაჩო კვირტიამ კონკურსანტებს გააცნეს მარათონის დავალება − 3 ვარიანტი, ასარჩევად:

1. თხზულების სათაური: „ირაკლის უჯრა“

2. თხზულების ეპიგრაფი: „...სულს სწყურია საზღვარი, როგორც უსაზღვროებას“ (ფრაგმენტი/ტაეპი გალაკტიონის ლექსიდან „ეფემერა“)

3. თხზულების პირველი წინადადება: „დილის მზით გამთბარ ქუჩაზე ახალგაზრდა ქალმა შემოუხვია. ორივე ხელში შუშის ჭუჭყიანი ბოთლებით სავსე მძიმე ჩანთები ეჭირა...“

კონკურსანტებს არჩეული ვარიანტის მიხედვით ორიგინალური პროზაული ნაწარმოების დასაწერად 48 საათი აქვთ.

„გაზაფხულის არა-კი“-ს მარათონში მონაწილეობს 8 ავტორი:

მაია მინდელი

თამთა ხელაია

ვახო ვახტანგაძე

აკაკი დაუშვილი

თინათინ გარადინსკი

სოფიო გოგოლაძე

გიორგი კუცია

ანი ბადალაშვილი

პროექტის თანაორგანიზატორია „საერთაშორისო კულტურის სივრცე“; კონკურსანტებს მასპინძლობს ისტორიული კომპლექსი „წინაპარი“, რომელიც მაქსიმალურ კომფორტს უქმნის მარათონის მონაწილეებს შემოქმედებითი მუშაობისთვის.

მარათონი დასრულდება 24 მაისს, რის შემდეგ ნაწარმოებები გადაეცემა ჟიურის წევრებს გასაცნობად, შესაფასებლად 3 გამარჯვებულის გამოსავლენად.

მწერალთა სახლი და „საერთაშორისო კულტურის სივრცე“ მარათონის თითოეულ მონაწილეს წარმატებას უსურვებს!