თარიღი : 29.05.2026
მწერალთა სახლის ლიტერატურულ-საგანმანათლებლო პროექტ „ცოცხალი წიგნების“ შეხვედრა გაიმართა ქუთაისის პირველ სამუსიკო სკოლაში.
მკითხველის წინაშე თანამედროვე ავტორები: ცირა ყურაშვილი, გიზო თავაძე, სოფიო გოგოლაძე და აკაკი გაბრიჭიძე წარდგნენ.
შეხვედრაზე ავტორებმა საკუთარი ლექსები წაიკითხეს და აუდიტორიასთან შემოქმედებით პროცესსა და ლიტერატურულ გზაზე ისაუბრეს. საღამოს ქუთაისელი მკითხველი, ლიტერატურის მოყვარული საზოგადოება და ახალგაზრდები, მათ შორის სკოლის მოსწავლეები დაესწრნენ.
„ცოცხალი წიგნების“ შეხვედრა მკითხველთან ქუთაისის მერიის კულტურის სამსახურთან კოორდინაციით მოეწყო. პროექტის ფარგლებში სამუსიკო სკოლას საბიბლიოთეკო ფონდისთვის საჩუქრად გადაეცა მწერალთა სახლის გამოცემები, სხვადასხვა გამომცემლობის წიგნები და ლიტერატურული ჟურნალ-გაზეთები.
„ცოცხალი წიგნები 2026“-ის მონაწილე ავტორები ხვალ, 30 მაისს, ვანში ჩავლენ და თავიანთ შემოქმედებას ადგილობრივ მკითხველს გააცნობენ.
